D Vorfröid vermischt sech mit Närvosität u Truurigkeit. 2h vor üser Abfahrt a Flughafe si mr ready. Und was mache mr iz? No es feins Kafi, chli Chueche, mit de Ching spiele u natürlech umenärvösele u x-mau uf z WC ga.

Üse Flug, zäme mitem Hakan Yakin richtig Doha isch ruhig, so wie di witeri Reis. Mir hei üse erscht Stämpu im Pass u rönsle mitem Taxi richtig Zäntrum vo Bangkok.

Aus Bettmümpfeli gits am Egge vor ar Strass no es paar scharfi Pouletspiesse. Dank de Agwöhnigs Chili vo KF, Odi, KK u Stuwi fingt Rotsch die ou fein u nimmt no gad mau e Portion.